السلام علی کافل زینب س

 

یکفال... لرض الطف جیتک

یکفال... زیـــــــــنب نادیتک

 

یـــــخویه یاابوفاضل اجیت ابمحنتی الدارک

اصیح او انتخی ابأسمک حالی حال زوارک

یاتاج اعلی راس الطف یغیره ابکربله آثارک

اجیـتک خویه شچایه اوناری تشتکی ابنارک

یکفال... ســـلبو خدر اختک

یکفال... زیـــــــــنب نادیتک

 

یــــــــــآمن تحضر المظلوم نخیتک خوة اسنینی

یخویه ابشاربک خدری یاروحی اوضوه العینی

انــــــــسبیت ابکربله مره اوحرام الشام یسبینی

غــــــــــــریبه اوماالی والی اویکافل لا تخلینی

یکفال... مــــــحتاجه الهمتک

یکفال... زیـــــــــنب نادیتک

 

 

چـــــــــنت مهیوبه بوجودک العفه تخدم الخدری

لچن من طاحن اچفوفک انسبیت اوأیست عمری

یخویه وأصعب امن الصار هسه أتحامو الگبری

نـــــــــــــــــــیتهم یهدمونه اوتتفرهد خیم ستری

یکفال...خویه أعلی امروتک

یکفال... زیـــــــــنب نادیتک

 

یـــاضخرالوصی حیدر یامن تسمع الشچوه

ابـــــیوم الأربعین اهنا اجیت ابعبرة النخوه

اواســـــیک اوتواسینی یخویه ابونت الخوه

اریدک تعتنی الگبری اوتصبح للحرم تچوه

یکفال... عــــــــــــذرن أذیتک

یکفال... زیـــــــــنب نادیتک

 

 

لخادم اهل البیت  حامد الجابری